context da la pagina
Infurmaziun a la publicitad
A las incumbensas da la ISDU fa part l'infurmaziun davart ils dretgs umans en Svizra. Sin questas paginas chattais Vus cuntegns levamain accessibels che infurmeschan la publicitad davart ils dretgs umans en Svizra e davart la ISDU. Ultra da quai porschan ellas resursas nizzaivlas per tractar situaziuns individualas.
Videos
Videos èn in medium democratic, cun il qual ins po transmetter messadis da maniera clera e attractiva. Per quest intent lavura la ISDU vi dal svilup da sia purschida da video. Ultra da quai garantescha quai ch'ils cuntegns sajan accessibels tant sco pussaivel per persunas donnegiadas da la vesida e/u da l'udida.
Chattar purschidas da sustegn
Vus duvrais agid, sustegn u cussegliaziun? Tenor ses mandat legal (artitgel 10a-10c da la lescha federala davart mesiras per la promoziun civila da la pasch ed il rinforzament dals dretgs umans) na dastga la ISDU betg tractar cas singuls. Ella vuless percunter mussar purschidas externas a persunas directamain pertutgadas.